شرح التسويق الإلكتروني بطريقة مبسطة
أهلاً وسهلاً بيكوا مع مصطفي الحواش
فى أولي مقالات المدونة الإلكترونية للموقع
هتكلم النهاردة عن مفهوم التسويق والغرض منه وأنواعه وعناصره
ولكن
فى البداية عايز أوضح نقطة, أن هناك طريقتين للشرح
طريقة شرح مختصرة بتناسب الفئة الغالبة من الناس
وطريقة شرح أكاديمي , أى شرح كل تفاصيل المادة العلمية وده الطريقة المفضلة عندي
ولكن للأسف لا يحبها كثير من الناس ,
من أجل ذلك سأبدء بالطريقة المختصرة
ثانياً: سوف أقوم بكتابة المقالات باللهجة العامية المصرية ,
حتي يصل المعني بشكل مبسط وسلس للجميع وكأنها محاضرة وليس مقالة مكتوبة .
محتوي المقالة
۱– معنى التسويق .
۲– الغرض من التسويق .
۳– انواع التسويق .
٤– تعريف ومزايا وعيوب كل نوع .
٥– انواع التسويق الإلكتروني .
٦– أركان التسويق الإلكتروني بالنسبة للشركات .
٧– أركان التسويق الإلكتروني بالنسبة للمسوقين .
أولاً : معني التسويق
خليني أبسط عليكم الموضوع فى الأول عشان تعرفوا الفكرة بطريقة مبسطة سلسة
كلمة تسويق هى مشتقة من كلمة سوق ,
والسوق هو المكان المتواجد فيه البائعين لعرض بضائعهم على الناس من أجل شراء هذه البضاعة
ومن المعروف انى عمليات البيع والشراء فى تلك الأسواق متواجدة منذ ألاف السنين ,
ولكن مصطلح التسويق المعاصر ظهر فى بدايات القرن العشرين اللى هى بداية سنة 1900 ميلادي
ثانيا : الغرض من التسويق
الغرض من التسويق هو إشهار المنتج او الخدمة الخاصة بيك على الناس أى العملاء لتحقيق الغرض منه مثل :
شركة ملابس جديدة عايزة تسوق لنفسها , هنا غرض التسويق بيكون إشهار وليس مبيعات
شركة ملابس قديمة “براند” عايزه تسوق لنفسها , هنا غرض التسويق بيكون مبيعات
إذن :
ليس كل التسويق غرضه بيكون مبيعات , لان كل نوع له طريقة مختلفة فى التسويق على الإنترنت .
ثالثاً : أنواع التسويق
۱- التسويق التقليدي
۲- التسويق الإلكتروني
رابعاً : مزايا وعيوب كل نوع من أنواع التسويق
۱- معني التسويق التقليدي
وهو استخدام أدوات و وسائل تقليدية مثل (الصحف / المجلات / الراديو / التليفزيون / اعلانات الطرق … أخري)
وله أسماء أخري مثل التسويق القديم او بالإنجليزية Outbound marketing or Traditional marketing
مزايا التسويق التقليدي
– هو التفاعل المباشر للمنتج مع العملاء لتقييم المنتج عمليا , مما يزيد او يضعف من ثقة العملاء لهذا المنتج
– عمر الحملة الإعلانية التقليدية طويل ,
لانك لما بتعمل اعلان تقليدي بيكون محفوظ على الانترنت حتى بعد إنتهاء مدة الاعلان , بتبقى الناس مسجلة الاعلان وخاصة لو فيه فكرة إبداعية
عيوب التسويق التقليدي
أهم عيوبه التكلفة العالية وخاصة فى المناسبات
مثل مناسبة كأس العالم او الأمم الأفريقية , هتلاقوا الاعلانات على التليفزيون فى الوقت ده غالية جدا
العيب التاني ان لم يكن هناك دراسة جدوى صحيحة لهذا المنتج فنسبة الخسائر كبيرة
۲- معنى التسويق الإلكتروني
التسويق الإلكتروني هو هو التسويق التقليدي ولكن بإستخدام أدوات الإنترنت
بمعني ان التسويق الإلكتروني هو استخدام أى جهاز يتصل بالإنترنت سواء
جهاز موبايل / تابلت / كمبيوتر , للوصول الى العملاء لتحقيق الغرض منه
الأسماء الأخري للتسويق الإلكتروني مثل :
التسويق عبر الإنترنت او التسويق الرقمي او بالإنجليزية Digital marketing or Online marketing or E-marketing
حرف E فى جملة E-marketing هى اختصار لكلمة Electronic اى التسويق الإلكتروني
فى ناس بتبحث على الانترنت باللغة الإنجليزية المعربة مثل “الديجيتال ماركتنج” وهتلاقي ملايين من المواضيع بهذا المسمي
ملاحظة
هناك بعض الاختلاطات في التعريفات بين التسويق الإلكتروني والتسويق عبر الانترنت
الملخص هو إني التسويق عبر الانترنت هو جزء من التسويق الإلكتروني
والمسمي المعاصر للتسويق الإلكتروني بيكون عبر الإنترنت مثل الموبايل والتابلت والكمبيوتر وليس الراديو والتليفزيون
مزايا التسويق الإلكتروني
۱- قلة التكلفة فى التسويق الإلكتروني قليلة جدا بالنسبة للتسويق التقليدي
۲- سرعة إنتشار الإعلان بغض النظر عن غرضه بتكون كبيرة جدا ,
فيمكن إنتشار اعلانك على اى عدد من العملاء فى مصر او فى اى دولة عربية او اى مكان فى العالم وانت قاعد فى مكانك ,
أى توفير الوقت وتوفير المال والحفاظ على المجهود فى العمل .
۳- إمكانية إختيار الجمهور بنفسك , مما يزيد من نجاح غرض الحملة الإعلانية , بعكس لما تعمل اعلان عشوائي لأى شخص
٤- يمكن بدء أى مشروع كامل برأس مال صغير جدا لا يذكر .
عيوب التسويق الإلكتروني
عيوب ناتجة عن ممزياته , يعني بسبب قلة التكلفة خلى المنافسة كبيرة بين للشركات وخلى الاعلان فى بعض الحالات بيكون غالي
كما هناك فئة من العملاء ما زالت لا تتقبل فكرة الشراء من الإنترنت .
كما هناك عدم مصداقية لبعض التجار فى نشر بضائعهم او خدماتهم .
خامساً : أنواع التسويق الإلكتروني
۱- التسويق عن طريق موقعك الإلكتروني
۲- التسويق عن طريق محركات البحث مثل جوجل أدز بانواعه المختلفة
۳- التسويق عن طريق مواقع التواصل الإجتماعي والمسمي بالإنجليزية Social media marketing
٤- التسويق عن طريق الإيميل والمسمي Email marketing
٥- التسويق عن طريق المشاهير والمسمي Influencer marketing
٦- التسويق بالمحتوي والمسمي Content marketing
٧- التسويق بالهاتف والمسمي Mobile marketing
۸- التسويق بالدروب شيبينج والمسمي Drop shipping
۹- التسويق بالعمولة والمسمي Affiliate marketing
سادساًَ : أركان التسويق الإلكتروني بالنسبة للشركات
۱- قسم التسويق
۲- قسم المبيعات
۳- قسم خدمة العملاء
٤- قسم رقابة الجودة
كل قسم من دول , ليه وظيفة معينة فى الشركة , وأى خلل فيهم بيأثر على كل الأقسام معاً
سابعاً : أركان التسويق الإلكتروني بالنسبة للمسوقين
يعني العناصر او الأركان اللى انت عايزها عشان تدخل المجال ده وانت قوي
۱- وجود منتج او خدمة بمواصفات جيدة
۲- وجود موقع إلكتروني
۳- إيميل ماركتنج خاص
٤- وجود لوجو خاص بالمنتج او الخدمة
٥- حسابات على مواقع التواصل الإجتماعي
٦- وجود خطة تسويقية كاملة
٧- وجود عدة استراتيجيات للمشروع الإعلاني
۸- إنشاء حملة إعلانية محترفة
من هنا تبدأ القوة الحقيقية للتسويق الإلكتروني
كنت سعيد بكتابة أولي مقالاتي ليكم
وفى الحقيقة انا عاشق للكتابة
أى استفسار اخر يمكن التواصل معايا عن طريق الموبايل او الواتس أب