شرح قراءة إحصائيات الحملة الإعلانية
مساء الخير
شرح قراءة إحصائيات الحملة الإعلانية
كان فيه أحد الزملاء بيسأل عن كيفية قراءة احصائيات الحملة الاعلانية,
فحبيت أشرح ليه وأظهر الشرح للجميع لتكرار نفس السؤال من بعض الزملاء والأخوة
ده صورة من أحصائيات الحملة الإعلانية الخاصة بزميلي , هشرح عليها لتعم الفائدة
إتفضلوا :-
۱- بوست انجيجمنتز هو عدد التفاعل اللى تم على اعلانك من العملاء المحتملين
۲- كوست بر بوست انجيجمنت هو التكلفة لكل تفاعل على اعلانك من الجمهور
۳- أماونت سبنت التكلفة المنفقة على التفاعلات المذكورة
٤- الريتش هو عدد مرات ظهور اعلانك على الجمهور بتاعك من غير ما يكرره
٥- إمبريشنس هو عدد مرات ظهور اعلانك على الجمهور بتاعك + تكرار ظهوره على نفس الجمهور
٦- كواليتي رينجنج هى جودة الاعلان بتاعك مقارنة بالمنافسين بتوعك لنفس الجمهور اللى انت محدده في إعلانك
٧- انجيجمنت ريت رينجنج هو نسبة التفاعل مع الاعلان بتاعك مقارنة بالمنافسين بتوعك لنفس الجمهور
۸- الكونفرشن ريت رينجنج هو نسبة التحويل او الشراء او الاضافة للسلة مع الاعلان بتاعك مقارنة بالمنافسين بتوعك لنفس الجمهور
۹- برشيس أر أو إي إس وهو العائد المادي اللى انا حصلت عليه من الاعلان بتاعي
على سبيل المثال
لو انا صرفت 100 دولار على الحملة الاعلانية بتاعتي وعايز 100 دولار تانيين فلازم أظبط الحملة الاعلانية بتاعتي بحيث تجيبلي 200 فى المية
وبالمناسبة هتلاقوا الاستراتيجية ده موجودة فى حملات الكونفرشن ولكن ليها شروط صعبة شويا عشان تتفعل
۱۰- الفريكونسي هو عدد مرات تكرار ظهور الاعلان بتاعك لنفس الجمهور , اذن الفرق وضح بينه وبين الريتش وبين الإمبريشنس
۱۱- يونيك كليكز وهو لو إني الجمهور بتاعك ضغط على الاعلان اكتر من مرة فبتحسب ضغطة واحدة
🩸 دى كانت قراءة احصائيات الحملة الإعلانية بالكامل بشيئ من التفصيل 🩸